जुम्ल्याहा छोराका फरक–फरक बाबु, कारण यस्तो

चीनमा जुम्ल्याहा छोराका फरक–फरक बाबु भएको पत्ता लागेपछि हंगामा मच्चिएको छ । यस्तो खबर पाएपछि बच्चाका बाबु दुःखी बनेका छन् ।

घटना केही महिनाअघिको हो । त्यहाँ एक पुरुषले आफ्ना जुम्ल्याहा बच्चाको जन्मदर्ता गराउने क्रममा जुम्ल्याहामध्येका एक बच्चा आफ्नो नभएको थाहा पाएका थिए ।

जन्मदर्ता गर्दा अनिवार्य रुपमा डीएनए परीक्षण गर्नुपर्ने नियमअनुसार ती बच्चाहरुको डीएनए परीक्षण गरिएको थियो ।

यस क्रममा एक बच्चाका पिता आफू नभएको ती पुरुषले थाहा पाएका हुन् । ती पुरुषको नाम खुलाइएको छैन ।

पछि थाहा भएअनुसार उनकी पत्नी परपुरुषसँग पनि यौन सम्बन्ध राखेको पाइयो । दुई पुरुषसँग छोटो समयमा यौन सम्पर्क गर्दा यस्तो स्थिति आएको हुनसक्ने डाक्टरले बताएका छन् ।

यस्तो केश करोडौंमा एक हुने डीएनए रिपोर्ट तयार पार्ने डाक्टरले बताएकी छिन् ।

डीएनए रिपोर्टका अनुसार आमा त एकै हुन् तर जुम्ल्याहा बच्चाका बाबु फरक फरक हुन् ।

पत्नीले परपुरुषसँगको सम्बन्धका बारेमा पहिले नखुलाए पनि पछि भने स्वीकार गरेको र एक रातका लागि बाहिर पुरुषसँग सम्पर्क गरेको स्वीकारेकी थिइन् ।

प्रतिक्रिया दिनुहोस