कुकुरसंगै सुतेका यि १० वर्षका बालकको तस्बिरले रुवायो संसार

गोर्खाली खबर

एजेन्सी । केही दिन देखि सामाजिक सञ्जालमा भाइरल भएको यो तस्बिरले प्रहरी प्रशासनलाई लज्जित बनाएपछि उनको उद्दार गरिएको छ । यो तस्बिर भारत उत्तर प्रदेशको मुजफ्फरनगर जिल्लाको हो । जहाँ एक १० वर्षका बालक कुकुरसंगै फुटपाथमा सुतेको देखिन्छ । कसैले यो तस्बिर सामाजिक सञ्जालमा सार्वजनिक गरिदिएपछि प्रहरी प्रशासनले लज्जाबोध गरेका छन् ।

उच्च अधिकारीहरूको निर्देशनमा जिल्ला प्रहरीले त्यो असहाय बच्चालाई भेट्टाए। जब पुलिसले यसरी सडकमा सुत्नुको कारण सोधे उनले दिएको जवाफ सबैको मन रुवाउने खालको छ । १० बर्षको उमेर देखिएको यो बच्चा आफ्नो नाम अंकित भन्छन् । बच्चाका अनुसार उनका बुबा जेलमा छ र आमाले उनलाई छोडेर हिडेकी हुन् । बच्चालाई आफ्नो परिवार वा घर बाहेक अरू केही थाहा छैन।

यस निर्दोषले चिया पसलमा काम गरेर वा फोहोरबाट पैसा कमाएर जीविका चलाउँछन्। उसले आफ्नो पेट आफ्ना सँगी कुकुरले पनि भर्छ, जसलाई उसले माया गरेर ड्यानी बोलाउँछ। रातको जाडोमा म मेरो साथी कुकुरसँगै मुजफ्फरनगरको शिव चौकको बजारको कुनै पसलको अगाडि सुत्छौं उनले प्रहरीसंग भनेका छन् । रातभरि कुकुरले आफ्नो पनि ख्याल राख्ने गरेको बालकको भनाई छ ।

धेरै दिन अगाडि खिचेको बच्चाको यो तस्वीर वायरल भएपछि जिल्लाका एसएसपी अभिषेक यादवले बच्चा पत्ता लगाउन पुलिस टोली खडा गर्दा उक्त बालकलाई पुलिसले शहरबाट बरामद गरेको छ। अब बच्चा बाल तथा महिला कल्याण विभागको रेखदेखमा छ र यसका साथै जिल्ला प्रशासनले पनि राम्रो शिक्षाको व्यवस्था गरिरहेको छ।

प्रतिक्रिया दिनुहोस