केही दिनमा सूर्य पुरै कालो, हुनेछ दिउँसै अन्धकार, यी राशिलाई घातक [ समय, कारण र तथ्यसहित ]

काठमाडौ । सूर्यग्रहण एक प्रकारको ग्रहण हो जब चन्द्रमा, पृथ्वी र सूर्यको बीचबाट जान्छ तथा पृथ्वीबाट हेर्दा सूर्य पूर्ण अथवा आंशिक रूपमा चन्द्रमाद्वारा छेकिन्छ ।भौतिक विज्ञानको दृष्टिले हेर्दा यदि सूर्य र पृथ्वीको बीचमा चन्द्रमा आउँछ भने चन्द्रमाको पछाडि सूर्यका किरणहरू केही समयका लागि छेकिन्छन , त्यसै अवस्थालाई सूर्यग्रहण भनिन्छ। पृथ्वीले सूर्यको परिक्रमा गर्छ भने चन्द्रमाले पृथ्वीको परिक्रमा गर्छ ।

कहिले काहीँ चन्द्रमा, सूर्य र पृथ्वीको बीचमा आउँछ। त्यसबेला सूर्यको केही या सबै प्रकाश छेक्दछ । जसले गर्दा धर्तीमा आंशिक या पूर्ण अँध्यारो फैलिन्छ। यस घटनालाई सूर्यग्रहण भनिन्छ । सूर्यग्रहणको घटना सदा सर्वदा अमावस्या तिथीमा नै पर्दछ ।यो बर्षकै पहिलो सूर्यग्रहण २०७८ जेठ २७ गते अर्थात जुन १० २०२१ मा हुनेछ । यो पूर्ण सूर्य ग्रहण हो जसमा चन्द्रमाले पृथ्वीलाई पूर्ण रूपमा ढाक्नेछ। यस अवस्थामा सूर्यको बाहिरी लेयर मात्र देखिनेछ। ग्रहणमा, चन्द्रमाले सूर्यको ९५ प्रतिशत ढाकिदिन्छ ।

अन्य समाचार
अर्थात् यो ग्रहण पूर्ण हुनेछ। पूर्ण सूर्य ग्रहणका कारण त्यो दिन अन्धकार हुनेछ। यस पटक सौर्यग्रहण कोरोना अवधिमा आउँदैछ । यो ग्रहण नेपाल र भारतमा आंशिक रूपमा मात्र हुनेछ। त्यसकारण, ग्रहण अवधि मान्य हुनेछैन। अमेरिका, युरोप र एशियाको उत्तरी भागमा पनि आंशिक ग्रहण हुनेछ। पूर्ण सूर्यग्रहण उत्तरी क्यानाडा, ग्रीनल्याण्ड र रूसमा भने पुरै देखा पर्नेछ।

सूर्य ग्रहण समय
बर्षको पहिलो सूर्य ग्रहण दिउँसो १ बजेर ४२ मिनेट बाट सुरू गरी साँझ ६ः४१ सम्म चल्नेछ । ग्रहणको सुतक अवधि भारत र नेपालमा मान्य छैन।

तीन प्रकारका सूर्यग्रहणहरू छन्।
१, पूर्ण सूर्यग्रहण : पहिलो पूर्ण सूर्यग्रहण हो। पूर्ण सूर्य ग्रहण पृथ्वीको निश्चित भागबाट मात्र देख्न सकिन्छ। यसमा पृथ्वी, चन्द्रमा र सूर्य ठ्याक्कै एक लाइनमा आइपुग्छन् । नासाका अनुसार जब चन्द्रमाको छायाले पृथ्वीलाई ढाक्छ, केवल चन्द्रमाको केन्द्रबिन्दुमा रहेका मानिसहरूले मात्र सूर्यग्रहण देख्न सक्दछन्। अरु तर्फका मानिसले देख्न सक्दैनन् ।

पूर्ण सूर्यग्रहण त्यो समयमा हुन्छ जब चन्द्रमा पृथ्वीको निकै नजिक भएर पृथ्वी र सूर्यका बीचमा आउँछ र चन्द्रमाले पूर्ण रूपले पृ्थ्वीलाई आफ्नो छायाँ क्षेत्रमा लिन्छ । यसको फलस्वरूप सूर्यको प्रकाश पृ्थ्वी सम्म पुग्न सक्दैन र पृ्थ्वीमा अन्धकार जस्तो स्थिति उत्पन्न हुन जान्छ । पृथ्वीमा पूरा सूर्य देखिन्न । यस प्रकार बन्ने ग्रहणलाई पूर्ण सूर्यग्रहण भनिन्छ ।

२, आंशिक सूर्यग्रहण ; सूर्यग्रहणको अर्को प्रकार छ आंशिक सूर्य ग्रहण। यस प्रकारको सूर्यग्रहणमा चन्द्रमाको छाया सूर्यको सानो भागमा पर्दछ। आंशिक सूर्यग्रहणमा जब चन्द्रमा सूर्य र पृथ्वीका बीचमा यस प्रकार आउँछ कि सूर्यको केही भाग मात्र पृथ्वीबाट देखिन्न अर्थात चन्द्रमा, सूर्यको केवल केही भागलाई मात्र आफ्नो छायामा लिन सक्छ । यसबाट सूर्यको केही भाग ग्रहण ग्रासमा तथा केही भाग ग्रहणबाट अप्रभावित रहन्छ भने पृथ्वीको उस भाग विशेषमा लागेको ग्रहणलाई आंशिक सूर्यग्रहण भनिन्छ ।

३, वलयाकार सूर्यग्रहण : सूर्य ग्रहणको तेस्रो प्रकार वार्षिक सूर्य ग्रहण छ। यसलाई वलयाकार सूर्य ग्रहणपनि भनिन्छ । यसमा, चन्द्रमा पृथ्वीबाट सबैभन्दा टाढाको दूरीमा रहन्छ। त्यसकारण यो सानो देखिन्छ। यस्तो अवस्थामा, चन्द्रमाले पूर्ण रूपमा सूर्यलाई ढाक्न सक्षम हुँदैन । यस्तो देखिन्छ कि सूर्यमा कुनै ठूलो धर्का लागेको छ ।

तर सूर्यलाई ढाकेको छैन । यस्तो अवस्थामा उज्यालो प्रकाश छरिन्छ । जसलाई आगोको लप्का भनिन्छ। वलयाकार सूर्यग्रहणमा जब चन्द्रमा पृथ्वीको धेरै टाढा रहेर पृथ्वी र सूर्यको बीचमा आउँछ अर्थात चन्द्रमाले सूर्यलाई यस प्रकारले छेक्दछ कि सूर्यको मध्य भाग मात्र छाया क्षेत्रमा आउँदछ र पृथ्वीबाट हेर्दा चन्द्रमा द्वारा सूर्य पूरा छेकिएको देखिन्न बरु सूर्यको बाहिरको क्षेत्र प्रकाशित हुनाले कन्गन या वलयको रूपमा चम्किने देखिन्छ । कन्गन आकारमा बनेको सूर्यग्रहणलाई नै वलयाकार सूर्यग्रहण भनिन्छ ।