ड्राइभिङ लाइसेन्स हराउँदा घर नै अर्काको नाममा पास, एक करोड ३१ लाखमा घर बिक्री !

एजेन्सी । बेलायतका एक व्यक्तिको घर चो’री भएको छ । जब मालिक रेभरेन्ड माइक ह’ललाई उनका छिमेकीहरूले यसबारे बताए, उनी लुटन शहरमा रहेको आफ्नो घर फर्किए । त्यहाँ उनले आफ्नो घरमा काम चलिरहेको देखे । त्यहाँ उपस्थित एक व्यक्तिले यो घर अहिले आफ्नो हो, यो घरको मालिक हो भनेर दाबी गरिरहेका छन्। बीबीसीले यस विषयमा अनुसन्धान गर्‍यो र यो पहिचान चो’रीको मामला रहेको बताएको छ।

माइक हलको पहिचान चो’री भयो र उनको घर बे’चियो र बैंकबाट पैसा उडाइएको थियो। प्रहरीले सुरुमा यो ठ’गीको घ’टना नभएको बताए पनि अहिले अनुसन्धान भइरहेको छ । उक्त घरका मालिक माइक हल त्यहाँ बस्दैनन्, उनी कामको लागि नर्थ वेल्समा बस्छन्। उनलाई अगस्ट २० मा छिमेकीले फोन गरेर आफ्नो घरमा कोही रहेको र बत्ती बलेको बताए । भोलिपल्टै उनी त्यहाँ पुगे ।

उनले बीबीसी रेडियो ४ को कार्यक्रम ‘तिमी र तिम्रो’ मा भने, ‘मैले ढोका खोल्ने प्रयास गरेँ, तर खुलेन । त्यसपछि एउटा मानिसले ढोका खोल्यो। म उसलाई धकेलेर भित्र गएँ, मलाई थाहा थिएन उ त्यहाँ के गरिरहेको थियो । भित्रको अवस्था देखेर म छ’क्क परें, फर्निचर, कार्पेट, पर्दा–केही थिएन ।’ उक्त व्यक्तिले आफू निर्माण व्यवसायी भएको र काम गरिरहेको बताए, जसलाई माइक हलले भने, ‘मैले यो घर बेचेको होइन । यो मेरो घर हो।’

त्यसपछि उनले प्रहरीलाई बोलाए । तर निर्माणकर्ता त्यहाँबाट गएर नयाँ घर धनीका बुवालाई ल्याए जसले साउनमा यो घर किनेको र अहिले आफ्नो घर भएको बताए । ‘हामीले त्यस पछि रजिस्ट्रीको रेकर्ड अनलाइन खोज्यौं, र त्यहाँ अगस्त ४ मा वास्तवमा त्यहाँ अरू कसैको नाम थियो,’ माइक हलले भने । ‘त्यसपछि प्रहरीले भने, हामी अहिले केही गर्न सक्दैनौं, यो कानूनी कुरा हो, तपाईं गएर आफ्ना वकिलहरूसँग कुरा गर्नुपर्छ ।’ ‘त्यहाँ मेरो लागि अझ ठूलो ध’क्का थियो । एउटा म पहिले नै मेरो घरको अवस्था देखेर स्तब्ध भएँ । तर जब मैले पुलिसले यो फौजदारी मु’द्दा होइन भनेर भनेको सुनें, म विश्वास गर्न सकिन।’