डोमिनोजको पिज्जा भित्र नट बल्टु, विश्वभर ‘भाइरल’ बन्यो समाचार

आधुनिक पुस्ता माझ पिज्जा लोकप्रिय र मनपर्दो परिकार हो । यसका विभिन्न प्रकार विश्वभरका मानिसको रुचीको परिकार बनेको छ । तर पिज्जाका बिषयमा बेलायतमा भने एक अनौठो घटना भएको छ ।

बेलायतको लंकाशायर निवासी जेम्मा बार्टनले विश्वभर चर्चित कम्पनी डोमिनोजबाट पिज्जा अर्डर गरीन् । तर उनले पिज्जा भित्र केहि अनौठो चीज भेटिन् । जसका कारण उनले यस विषयलाई लिएर ठुलै हंगामा मच्चाइन् ।

जेम्माले फेसबुकमा शेयर गरे अनुसार उनले डोमिनोजबाट पिज्जा अर्डर त गरीन् तर पिज्जामा नट र बल्टु (ल्गतक बलम द्ययतिक) भेटियो । उनले पिज्जाको तस्वीर सामाजिक सञ्जालमा शेयर गर्दै डोमिनोजले लापरबाहि गरेको र आफ्नो स्वास्थ्यमा खेलवाड गरेको भन्दै डोमिनोजलाई चेतावनी र अन्य ग्राहकलाई सचेत रहन सुझाव दिएकी छिन् ।

नट र बल्टु टाँसिएको पिज्जाको तस्बिर सामाजिक सञ्जालमा भाइरल बनेको छ । यसमा डोमिनोजको लापरबाहि भएको भन्दै धेरैले ग्राहकको स्वास्थ्यमा खेलवाड गरेको प्रतिक्रिया दिएका छन् । यो पोष्ट भाइरल बने लगत्तै डोमिनोजले माफी माग्दै जेम्मालाई रकम फिर्ता गर्यो । साथै अब उपरान्त यस्तो गल्ती नगर्ने डोमिनोजले प्रतिबद्धता गरेको छ ।