अमेरिकी आर्थिक सुरक्षाको लागि चीन सबैभन्दा ठूलो खतरा: एफबीआई निर्देशक

वासिङ्टन [अमेरिका], एफबीआईका निर्देशक क्रिस्टोफर रेले आर्थिक सुरक्षा र नवीनताको क्षेत्रमा चीन संयुक्त राज्य अमेरिकाको लागि सबैभन्दा ठूलो खतरा रहेकोर चीनले सयौं अमेरिकी कम्पनीहरूको टेराबाइटमा डेटा चोर्छ भनी बताएका छन्।

रेले सोमबार रोनाल्ड रेगन प्रेसिडेन्टल लाइब्रेरीमा दिएको भाषणमा भने “जब हामी आफ्नो अनुसन्धानमा जे देख्छौं त्यसको हिसाब राख्छौं, जसमध्ये २,००० भन्दा बढी हाम्रो सूचना वा प्रविधि चोर्ने प्रयासमा चीन सरकार केन्द्रित देखिन्छl चीन भन्दा हाम्रा विचार, नवीनता र आर्थिक सुरक्षाको लागि व्यापक खतरा प्रस्तुत गर्ने कुनै देश छैन,” l

रेका अनुसार चीन सरकारले “सूचनाको ठुलो मात्रामा चोर्छ जसले विभिन्न उद्योगहरूमा ठुलो रोजगारमा क्षति पुऱ्याउँछ,” साथै ब्यूरोले “हरेक १२ घण्टामा आफ्नो गुप्तचर परिचालनको प्रतिरोध गर्न निरन्तर नयाँ मुद्दाहरू खोल्दैछ। एफबीआई का निर्देशकका अनुसार चीन सरकारले अन्तरराष्ट्रिय कानुन शासनलाई बेवास्ता गरेको देखाउने एक मात्र तरिका नवीनता चोर्नु होइन।

“चीन सरकारले व्यक्तिगत र राजनैतिक प्रतिशोधको लागि अमेरिका भित्रका मानिसहरूलाई लक्षित गरिरहेको छ। यसले हाम्रो संविधान र कानुनले प्रतिज्ञा गरेको स्वतन्त्रतालाई कम गरिरहेको छ। चिनियाँ सरकार जसरी मानिसहरुलाइ पछ्याउन खोज्छ यसले उनीहरुलाई जिम्मेवार सरकार बनाउदैनl सरकारले आफ्ना शत्रु, शरणार्थी, उइघुर र आफ्नै विचार भएका मानिसहरुलाई आफ्नो विवेकले निर्धारण गरे अनुसार बोल्ने वा पूजा गर्नेलाइ लक्षित गरेको बताएl

“फक्स हन्ट” को उदाहरण लाई उद्धृत गर्दै रेले राष्ट्रपति सी जिनपिङले सन् २०१४ मा दाबी गरेको उक्त कार्यक्रम भ्रष्टाचार निमित्त सृजना गरिएको थियोl तर वास्तवमा, यसले विदेशमा बसोबास गर्ने पूर्व चिनियाँ नागरिकहरूलाई लक्षित, कब्जा र पुनर्स्थापना गर्दछ जसलाई यसले राजनैतिक वा वित्तीय खतराको रूपमा हेर्छ। उनले भने, “विगत आठ वर्षको अवधिमा चीन सरकारले विश्वभर ९ हजारभन्दा बढी मानिसलाई घर तानेर चीन फर्काएको छ, जहाँ उनीहरुलाई कैद वा नियन्त्रण गरिन्छ ।”

हाल, अमेरिकी भूमिमा सयौं मानिसहरू छन् जो चीन सरकारको आधिकारिक फक्स हन्ट सूचीमा छन् र अरू धेरै आधिकारिक सूचीमा छैनन् भनी एफबीआई निर्देशकले बताएका छन्। “अधिकांश लक्ष्यहरु अमेरिकी कानुन अन्तर्गत महत्वपूर्ण अधिकार र सुरक्षा भएका ग्रीन कार्डधारी, प्राकृतिक नागरिक, मानिसहरू हुन्।” रेले आफ्नो भाषणले चीन सरकार र चिनियाँ कम्युनिस्ट पार्टीले एफबीआईले सम्बोधन गरिरहेको खतराबारे चिन्तित भएको कुरामा पनि जोड दिएl (ANI)