यी गायिकाको प्रेममा छन् ऋतिक रोशन, को हुन् उनि ?

बलिउड, बलिउड इन्डस्ट्रीका ह्यान्डसम म्यान ऋतिक रोशन हरेक दिन हेडलाइनमा रहन्छन् । कलाकारहरू कहिले आफ्नो फिल्मका कारण चर्चामा रहन्छन् त कहिले पूर्व पत्नीलाई लिएर । यसपटक उनी ऋतिक रोशनलाई पछि पार्दै हेडलाइनमा छन् । यी अभिनेताको नाम एक मिस्ट्री गर्लसँग जोडिएको छ। जसका कारण ऋतिक रोशन आफ्नी पूर्व पत्नी सुजैन खानसँग डि’भोर्स भएको धेरै दिनपछि पनि अर्कैसँग सम्बन्धमा छन् भन्ने मानिसहरुको विश्वास छ ।

यो चर्चा उनको कुनै नयाँ फिल्मका कारण भने होइन, उनको प्रेम सम्बन्धका कारण हो। सुजेन खानसँग सन् २०१५ मा डि’भोर्स गरेपछि ऋतिक एक्लै थिए। तर केही महिनायता उनी प्रेममा रहेको संकेत प्रशस्त पाइरहेको बलिउड लाइफले लेखेको छ।

बलिउड लाइफका अनुसार उनी अभिनेत्री तथा गायिका साबा आजादसँग प्रेम सम्बन्धमा छन्। उनीहरू पछिल्लो समय थुप्रै पटक रेस्टुरेन्टमा र बाहिर घुमफिर गरेका बेला मिडियाको सामु परेका छन्। हालै मात्र ऋतिकले आफ्नो घरमा भएको डिनरको फोटो सार्वजनिक गरेका थिए। त्यसमा पनि साबा उपस्थित थिइन्।

ऋतिकका निकट स्रोतका अनुसार उनीहरू विगत तीन महिनादेखि प्रेममा छन्। त्यस्तै उनीहरूको भेट सुरूमा डेटिङ एपबाट भएको बताइएको थियो। तर स्रोतले उनीहरूको चिनाजान ट्विटरका माध्यमबाट भएको बताएको छ।

साबाले सन् २००८ मा ‘दिल कबड्डी’ फिल्मबाट बलिउडमा डेब्यु गरेकी थिइन्। यसपछि उनी ‘मुझसे फ्रान्डसिप करोगे’ मा देखिएकी थिइन्। अभिनयमा खासै जम्न नसके पनि साबा चर्चित गायिका तथा संगीतकार हुन्। उनको थिएटर कम्पनी पनि छ। उनले थुप्रै विज्ञापनहरूमा पनि अभिनय गरेकी छन्।

ऋतिक निकटका एक स्रोतका भनाइ उद्धृत गर्दै बलिउड लाइफले लेखेको छ, ‘ऋतिक साबाका बारेमा निकै गम्भीर छन्। उनीहरू एकअर्काको गहिरो प्रेममा छन्। ऋतिक उनीसँग साह्रै खुसी देखिन्छन्। उनले आफ्नो जीवनमा बल्ल सही साथी भेटेको अनुभूति गरिरहेका छन्।’

स्रोतले साबाका बारेमा पनि थप भनेको छ, ‘साबा पनि उनको जीवनको नयाँ चरणमा खुसी देखिएकी छन्। उनीहरू एकअर्काका लागि बनेका झैं लाग्छ। तर उनीहरू मिडियाका सामु आफूहरूको सम्बन्ध खुलेआम सार्वजनिक गर्न चाहँदैनन्। यो सम्बन्धका बारेमा केही भन्न पनि चाहँदैनन्। तर उनीहरूले कुनै दिन सामाजिक सञ्जालमा संयुक्त फोटो राख्न सक्नेछन्। त्यहीमार्फत् उनीहरूले आफ्ना प्रशंसकहरूलाई आफूहरूको सम्बन्धबारे जानकारी दिनेछन्।’ ऋतिक र साबाले आफूहरूको सम्बन्ध चर्चामा नआओस् भने पनि यो खबरले अहिले निकै चर्चा पाइरहेको छ।