शर्मिला वाइबा चितवनबाट पक्राउ, सात दिनको म्याद थपेर अनुसन्धान गर्दै प्रहरी

शर्मिला वाइबा चितवनबाट पक्राउ, सात दिनको म्याद थपेर अनुसन्धान गर्दै प्रहरी

युट्युबमार्फत् चरित्र हत्या गरेको भन्दै शर्मिला वाइबालाई प्रहरीले पक्राउ गरेको छ।

स्लेब नेपाल र एवन मिडिया नामक युट्युब च्यानलबाट उनले पीडितको मानमर्दन र चरित्र हत्या गरेको आरोप प्रहरीको छ।

प्रहरी प्रवक्ता नविन्द अर्यालले वाइबालाई चितवनबाट पक्राउ गरेको जानकारी दिए।

उनीमाथि विद्युतीय कारोबार ऐनअन्तर्गतको कसुर लगाइएको छ।

प्रवक्ता अर्यालका अनुसार काठमाडौं जिल्ला अदालतबाट ७ दिनको म्याद लिघ अनुसन्धान सुरु गरिएको छ।

भारतको सहयोगमा बनेको नेपाल प्रहरी विद्यालयको पूर्वाधार उद्घाटन

काठमाडौं, फागुन २० (एएनआई) : कैलालीको धनगढीमा रहेको भारतको सहयोगमा निर्माण भएको नेपाल प्रहरी विद्यालयको बहुउद्देश्यीय हल, केटाकेटी छात्रावास र शिक्षक क्वार्टर को नयाँ भवनको उद्घाटन भएको छ ।

भारतीय दूतावासका प्रथम सचिव नवीन कुमार र सुदूरपश्चिम प्रदेशका आन्तरिक मामिला तथा कानूनमन्त्री पूर्ण जोशीले उक्त पूर्वाधारको उद्घाटन गरेका भारतीय दूतावासले जारी गरेको विज्ञप्तिमा उल्लेख छ ।

विज्ञप्ति अनुसार, हालै उद्घाटन गरिएको परियोजना भारतको स्वतन्त्रताको ७५ वर्ष मनाउने “India@75 AzadiKaAmritMahotsav” को एक हिस्साको रूपमा नेपालमा उद्घाटन भइरहेका 75 परियोजनाहरू मध्ये एक हो।

नेपाल प्रहरी विद्यालयका यी नयाँ भवनहरू भारत सरकारको आर्थिक सहयोगमा नेपाल–भारत विकास सहयोगअन्तर्गत नेपाली रुपैयाँ ४२ करोड २६ लाखको लागतमा निर्माण भएका हुन् । सन् १९८५ मा स्थापना भएको विद्यालयमा हाल ६ सय ६५ विद्यार्थी छन् ।
“निकट छिमेकी भएको नाताले भारत र नेपालबीच बहुपक्षीय र बहुक्षेत्रीय विकास साझेदारी छ। भारत-नेपाल विकास सहयोग अन्तर्गत पूर्वाधार निर्माणले शिक्षा क्षेत्रमा नेपाल सरकारको प्रयासलाई बलियो बनाउन भारत सरकारको निरन्तर सहयोगलाई प्रतिबिम्बित गर्दछ, ”काठमाडौंस्थित भारतीय नियोगले बताएको छ । (एएनआई)