आफ्ना चारै जना छाेरालाई नेपाली सेनामा प्रवेश गर्न अभिप्रेरित गर्ने आमालाई नेपाली सेनाले सम्मान गरेकाे छ ।हिजो बुधवार डाेटीकाे दिपायलमा भएकाे भूपू सैनिक सम्मेलनमा प्रधानसेनापति प्रभुराम शर्माले बैतडीकाे दशरथचन्द नगरपालिका ३ बरकुराली बस्ने धनमाया नाथ याेगीलाई नगदसहित प्रमाणपत्र दिएर सम्मान गर्नुभएकाे हाे । प्रधानसेनापति शर्माले धनमायाका श्रीमान् स्व. गणेश नाथप्रति पनि सम्मान व्यक्त गर्नुभयाे ।
धनमायाका छाेराहरू– नरेश नाथ, राम नाथ, लक्ष्मण नाथ र दिलिप नाथ नेपाली सेनामा कार्यरत हुनुहुन्छ ।
बुटवल-१३ को जितगढीमा स्कुटर र मोटरसाइकल जुध्दा एक युवाले ज्यान गएको छ । बुटवलबाट पश्चिम जाँदै गरेको लु ८३ प ४१४४ नम्बरको स्कुटर र बुटवल आउँदै गरेको लु ७४ प ६०१६ नम्बरको मोटरसाइकल आपसमा ठोक्किएपछि स्कुटर चालकको सडकमै बसले किचेर ज्यान गएको हाे ।
तिलोत्तमा कलेजको ना १ क ४१४६ नम्बरको बसले किच्दा गुल्मीको धुर्कोट घर भई हाल बुटवल १३ बेलबास बस्ने २३ बर्षिय मनोज थापाको मृत्यु भएको जिल्ला प्रहरी कार्यालय रुपन्देहीका प्रहरी प्रवक्ता नवरत्न पौडेलले जानकारी दिए ।
स्कुटरका चालकलाई किचेर फरार भएको बसलाई नियन्त्रणमा लिइ सकिएको उनले बताए । अहिले साे कलेजको बस, चालक र मोटरसाइकलसहित चालक प्रहरी नियन्त्रणमा छन् ।थापाको शव पाेष्टमार्टमका लागि लुम्बिनी प्रादेशिक अस्पतालमा राखिएको इलाका प्रहरी कार्यालयले जनाएको छ। सांकेतिक तस्बीर