३० हजार रुपैयाँबाट सुरु गरेको व्यवसायबाट आज वार्षिक झण्डै ९७ लाख कमाउँछन्

पूजा यादव । कहिलेकाहीँ आफ्नो सपनामा विश्वास गर्दै जोखिम मोल्नुपर्छ ।के तपाईलाई थाहा छ यो जोखिमले मात्र तपाईलाई उचाइमा पुर्‍याउन सक्छ । उमंग श्रीधरको पनि यस्तै कथा छ ।भोपालका उमंग श्रीधर उमंग खादीजी ब्रान्ड (उमंग श्रीधर खादीजी)का संस्थापक हुन्।गत वर्ष प्रतिष्ठित बिजनेस म्यागेजिन फोर्ब्सको अण्डर–३० अचिभर्सको सूचीमा स्थान बनाएकी र देशका उत्कृष्ट ५० सामाजिक उद्यमीको सूचीमा परेकी उमंगले मात्र ३० हजार रुपैयाँबाट आफ्नो विजनेश यात्रा सुरु गरेकी हुन् ।

आज उनका ग्राहकहरू रिलायन्स इन्डस्ट्रीज र आदित्य बिर्ला समूह जस्ता ठूला समूहहरू हुन्। उनको संस्था खादिजी भोपालको वार्षिक कारोबार ६० लाख भारु यानिकी ९६ लाख ६० हजार नेपाली रुपैयाँ रहेको छ ।दैनिक भास्करको रिपोर्ट अनुसार उमंगको कम्पनी खादीजीको अवधारणा ‘खादी’ र ‘जी’ मिसाएर बनेको हो ।

वास्तवमा, उमंगले डिजिटल रूपमा चरखा प्रस्तुत गर्दछ। उनले मध्यप्रदेश, महाराष्ट्र र पश्चिम बङ्गालका बुनकरहरूलाई खादी र ह्यान्डलुमका कपडाहरू बनाएर रोजगारी दिइरहेकी छन्।डिजाइनर, खुद्रा बिक्रेता, थोक बिक्रेता र विभिन्न उद्योगलाई खादी आपूर्ति गर्ने यस कम्पनीका मालिक दमोह जिल्लाको सानो गाउँ किशनगञ्जका हुन् ।उनकी आमा जिल्ला अध्यक्ष भइसकेका छन् । आमालाई देखेर आफू जस्तै ठूला काम गर्ने इच्छा सधैं लाग्ने उमंग बताउँछिन् ।

अर्गानिक कपासका साथै बाँस र भटमासबाट निस्कने फोहोर सामग्री प्रयोग गरेर उनी लन्डन र युरोपमा पनि आफ्नो इको–फ्रेण्डली कपडा फैलाउन चाहन्छिन्।लकडाउन सुरु भएदेखि नै उनको संस्थाले करिब २ लाख मास्क वितरण गरिसकेको छ जसका कारण करिब ५० जना महिलाले रोजगारी पनि पाएका छन् । उनीहरूको यात्रा साँच्चै प्रेरणादायी छ ।