तिब्बतीद्वारा नेदरल्याण्डमा ११ औं पञ्चेम लामाको रिहाइको माग गर्दै चीनविरुद्ध प्रदर्शन

हेग— नेदरल्याण्डमा बसोबास गर्ने तिब्बतीहरूले चीनविरुद्ध प्रदर्शन गर्दै ११औँ पञ्चेम लामा (गेधुन चोएकी न्याइमा)को ३४औँ जन्मदिनको अवसरमा रिहा गर्न माग गरेका छन् ।

प्रदर्शन गर्नेमा तिब्बती समर्थन समूह र तिब्बती समुदायका सदस्यहरू समावेश थिए, जसले अप्रिल २५, २०२३ मा हेगमा ११ औं पञ्चेम लामाको जन्मजयन्तीको अवसरमा चिनियाँ दूतावास अगाडि प्रदर्शनको नेतृत्व गरेका थिए।

प्रर्दशनकारीले दुतावास अगाडि ‘‘चीन ओपन अप तिब्बत नाउ’, ‘चीनः पञ्चेन लामा कहाँ छ?’ र ‘तिब्बत चीनको हिस्सा होइन।’ लगायतका प्लेकार्ड बोकेर प्रर्दशन गरेका थिए । तिब्बतका ११ औं पञ्चेम लामा २५ अप्रिल २०२३ मा ३४ वर्षका हुनेछन् ।

दलाई लामाले उहाँलाई दशौं पञ्चम लामाको पुनर्जन्मको रूपमा मान्यता दिएपछि चिनियाँ कम्युनिष्ट सरकारले उनलाई ६ वर्षको उमेरमा अपहरण गरेको थियो।

त्यसपछि उनी बेपत्ता भएका छन् र विश्वको सबैभन्दा कान्छो राजनीतिक बन्दी बनेका छन्।

यसैगरी, ३० स्पेनिस सिनेटरहरूले पनि मङ्गलबार चिनियाँ सरकारलाई पीआरसीको अन्तर्राष्ट्रिय प्रतिबद्धता अनुसार पञ्चेम लामालाई आफ्नो मौलिक स्वतन्त्रताको प्रयोग गर्न अनुमति दिन र पञ्चेम लामा, उनको परिवार र अन्य सबै तिब्बती राजनीतिक बन्दीहरूलाई तत्काल रिहा गर्न आह्वान गरेको तिब्बत पोस्टले उल्लेख गरको छ ।

‘हामी चिनियाँ कम्युनिष्ट पार्टीको अन्तर्राष्ट्रिय प्रतिबद्धताहरूमा स्थापित भएको आधारभूत स्वतन्त्रताको पूर्ण रूपमा प्रयोग गर्न उहाँलाई अनुमति दिन चिनियाँ अधिकारीहरूलाई आह्वान गर्दछौं। र हामी गेधुन चोइकी न्याइमा र उनका आमाबाबुलाई तुरुन्त र निःशर्त रिहा गर्न आह्वान गर्दछौं।’ सिनेटरहरूले भने।

स्पेनको सिनेटमा तिब्बतका लागि अन्तर—संसदीय समूहले चीनसँग उनको जीवनको प्रमाण र उनको ठेगानाको अवस्था उपलब्ध गराउन माग गरेको केन्द्रीय तिब्बत प्रशासनले जनाएको छ।

अमेरिकी रिपब्लिकन सिनेटर जिम म्याकगोभरले पनि चिनियाँ सरकारलाई गेधुन चोइकी न्याइमालाई रिहा गर्न आग्रह गरे।

११औँ पञ्चेम लामाको ३४औँ जन्मजयन्तीको अवसरमा एमईपी मिकुलास पेक्साको नेतृत्वमा राजनीतिक स्पेक्ट्रमबाट युरोपेली संसदका ११ सदस्यले उनको रिहाइको विषयमा युरोपेली संघका उच्च प्रतिनिधि जोसेप बोरेललाई लिखित प्रश्न पेस गरेका छन् ।

यसैबीच, क्यानडाको टोरन्टोमा तिब्बतीहरूले पञ्चेम लामाको ३४ औं जन्मदिन मनाए र उनको तत्काल रिहाइको लागि आह्वान गरे। सन् १९९५ मा अपहरण गरिएका ११ औं पञ्चेम लामाको ३४ औं जन्मदिन मनाउन टोरन्टोमा करिब १५० तिब्बतीहरू तिब्बती क्यानाडाली सांस्कृतिक केन्द्रमा भेला भएका थिए र उनीहरूले उनको तत्काल रिहाइको लागि आफ्नो समर्थन व्यक्त गरेका थिए।

प्रतिक्रिया दिनुहोस