काठमाडौं।नेकपा माओबादि केन्द्रले नेपालि काँग्रेशसँग चुनाबि गठबन्धन गरेसँगै नेकपा माओवादी केन्द्रका नेता वर्षमान पुनले आगामी स्थानीय तह निर्वाचनमा आफ्नो पार्टीले कम्तिमा दुई सय पालिकामा प्रमुख जित्ने दाबी गरेका छन् ।
आज पार्टी सम्बद्ध प्रेस सेन्टर नेपालको उपत्यका प्रदेशस्तरीय राजनीतिक तथा वैचारिक प्रशिक्षण कार्यक्रममा बोल्दै उहाँले विनागठबन्धन कम्तिमा दुई सय तह जितेर माओवादी वामपन्थी दलहरुमा पहिलो पार्टी हुने बताए।
छ हजार सात सय ४३ वटै वडाको मत विश्लेषणको प्रारम्भिक रिपोर्ट सुनाउँदै नेता पुनले केही शहरी इलाकामा बाहेक गत स्थानीय तह निर्वाचनमाभन्दा माओवादीको अवस्था सबैतिर सुदृढ रहेको जानकारी दिए । चुनावी तयारीका क्रममा देशभरबाट प्राप्त रिपोर्टका आधारमा माओवादीले यसअघि दोस्रो भएका ७४ स्थानमा सजिलै जित्ने अवस्था देखिएको पनि उनले सुनाए।
गत स्थानीय निर्वाचनमा माओवादी केन्द्रले एसक सय १६ वटा पालिका र १३ सयबढी वडा जितेको थियो । माओवादी सांगठनिक हिसाबले सबैभन्दा कमजोर भएको भनिएका बेला प्राप्त उक्त नतिजा यसपटक बढ्ने नेता पुनको भनाइ छ ।
२०७४ सालको चुनावमा माओवादीसँग जम्मा तीन लाख पार्टी सदस्य रहेकोमा अहिले बढेर आठ लाख पुगेकाले दुई सय पालिका जित्न माओवादीलाई कुनै पार्टीसँग गठबन्धन गर्नु आवश्यक नपर्ने पनि नेता पुनको दाबी छ । यद्यपि गठबन्धन हुँदा सिट संख्या बढ्ने भएकाले आफूहरु गठबन्धनको पक्षमा उभिएको पनि उहाँले प्रष्ट पारेका छन् ।