फागुण १९ काठमाण्डौँ । नेताहरु भ्रष्ट भएको, सुविधा भोगी भएको भन्दै त्यसको बिरोधमा जन्मिएको रास्वपाबाट उपसभामुख बनेकी ईन्दिरा रानाले आफूलाई राज्यले पुग्दो सेवा सुविधा नदिएको र अन्याय भएको सार्वजनिक रुपमै बोलेकी छन् ।
उनले आफूले ४४ हजार घरभाडा तिर्ने गरेको भन्दै सरकारले आफूलाई महिनाको ३६ हजार मात्र दिने गरेको गुनासो गरिन् ।
साथै पुरुष उपसभामुख हुँदा थुप्रै सेवा सुविधा पाउने गरेको रहेछ, सेना पनि दिन्थ्यो रे तर अहिले मलाई त छैन भन्दै उनले अन्यायमा परेको बताईन् ।
भ्रष्टाचारविरूद्ध सांसदहरूको विश्वव्यापी संगठन, नेपाल च्याप्टरले शुक्रबार काठमाडौंमा आयोजना गरेको एक कार्यक्रममा बोल्दै उनले सो गुनासो गरेकी हुन्।
उनले आफू सानो पार्टीबाट उपसभामुख भएकाले सुविधा नदिएको हुन सक्ने आशंका गरिन् ।