अफगानिस्तानमा महिला अधिकारको पुनर्स्थापना र संरक्षण गर्न EU को भूमिका

दोस्रो अफगान महिला नेता फोरम (AWLF), EU र युरोपेली बाह्य कार्य सेवाको पहल र समर्थनमा, मे १९-२० मा ब्रसेल्समा भयो। AWLF ले अफगानिस्तान भित्र र बाहिर, नागरिक समाज र राजनीतिक नेताहरू, कार्यकर्ताहरू, वकिलहरू, पत्रकारहरू, र महिला आन्दोलनका प्रतिनिधिहरू सहित विभिन्न प्रकारका अफगानी महिलाहरूलाई एकसाथ ल्याएको थियो ।
नाजिला जमसिदी, मानव अधिकार र लैङ्गिक न्याय विशेषज्ञ पनि उक्त फोरममा उपस्थित भएर अफगानिस्तानप्रतिको वर्तमान EU नीति र महिलाको मानव अधिकार पुनर्स्थापनामा यसको महत्त्वपूर्ण भूमिकाको बारेमा बिचार व्यक्त गरिन् ।

महिला स्वतन्त्रता र मानवअधिकार तर्फ दुई दशकको प्रगति र उपलव्धीलाई समाप्त गर्दै अफगानीस्तानमा बुर्का र
महिलाको सम्पूर्ण शरीर ढाक्ने पहिरन फेरि अफगानिस्तानमा महिला उत्पीडनको प्रतीकको रूपमा विकसित भएको छ।
तालिबानका प्रवक्ता जबिहुल्लाह मुजाहिदले सार्वजनिक रूपमा तालिवानको नियन्त्रणमा रहेको महिला अधिकारको संरक्षण गरिने वाचा गरेको नौ महिनापछि पनि त्यहाँका महिलाहरूलाई उनीहरूको हरेक मानवअधिकारमा बढ्दो रूपमा बाधा पुगेको छ।

लैङ्गिक समानता EU को साझा मूल्य र मान्यता मध्ये एक हो। EU ले लैङ्गिक समानताको प्रवर्द्धनलाई सिद्धान्त, उद्देश्य र महत्त्वपूर्ण कार्यको रूपमा मान्यता दिएको छ। यो पहिलो पटक विकासको लागि 2005 युरोपेली सहमतिमा क्रस-कटिङ मुद्दाको रूपमा पहिचान गरिएको थियो।

अगस्ट २०२१ मा तालिबानमा अफगानिस्तानको पतन पछि, EU ले आफ्ना मानविय सहयोगहरु तालिवानको मानव अधिकारप्रतिका सम्मानमा निर्भर हुनेछ भनी बताइसकेको छ । अफगानिस्तानका लागि युरोपेली संघका विशेष दूत थोमस निकल्सनले महिला अधिकारको संरक्षणका लागि ईयूले सैद्धान्तिक अडान लिएको संकेत दिँदै भने, “हामी हाम्रा मूल्यमान्यताअनुरूप अफगानिस्तान र अन्यत्रका महिला र केटीहरूलाई सहयोग गर्न जारी राख्न प्रतिबद्ध छौं। युरोपेली संघका विदेश मामिला मन्त्रीहरूले मानवअधिकार, विशेष गरी महिला अधिकारको सम्मान गर्ने र समावेशी र प्रतिनिधि सरकार निर्माण गरेमा ईयूले तालिबानसँग काबुलमा कूटनीतिक उपस्थिति स्थापना गर्ने कुरामा सहमति जनाए। यी कूटनीतिक सम्बन्धहरूले तालिबानमा विशेष गरी महिला अधिकार संरक्षणमा व्यवहारमा परिवर्तन ल्याउन चाँही बाँकी छ।