कालीबाबाको उद्दण्ड काम, अचानक जगाइदिए गुह्येश्वरीको खड्ग

काठमाडौं। केही दिनदेखि काठमाडौं देखा परेका राजनीतिक बाबाका रुपमा विवादास्पद बन्दै आएका कालीदास बाबाले गुह्येश्वी मन्दिरभित्र प्रवेश गरी साउन २६ गते गुह्येश्वरी माताको खड्ग जगाउने काम गरेका छन्।

एउटी सभ्रान्त वर्गकी जस्ती देखिने महिलालाई अघि सारेर कालीबाबाले राजकीय पूजाका क्रममा मात्र गरिने खड्ग साधना गर्दै गरेको फोटो सार्वजानिक भएको छ। फोटोमा ती महिलाको अनुसार प्रष्टसँग नआएको को हुन् उनी भन्ने खुट्याउन मुस्किल परेको छ।

तर, गुह्येश्वरी माताको मन्दिरको भित्री भागमा प्रवेश गरेर कालीबाबाले ती महिलालाई अघि राखी उनको सामुन्नेमा गुह्येश्वरी माताको खड्ग ठड्याई सो तन्त्र विधिबाट त्यसको साधना गर्दै गरेको भन्ने तस्वीरले प्रष्ट पारेको छ।