भारतको आसाममा खाने तेलमा आत्मनिर्भर हुन ठूलो मात्रामा पाम खेतीको सुरुवात्

गुवाहाटी— खाने तेल उत्पादनमा आत्मनिर्भरता हुने लक्ष्यका साथ भारतको असम राज्यका मुख्यमन्त्री हिमन्त विश्व शर्माले ठूलोमात्रामा पाम खेतीको सुरु गर्ने घोषणा गरेका छन्।

यो प्रयासले राज्यको कृषि अर्थतन्त्रमा क्रान्ति ल्याउनुको साथै किसानहरूलाई आम्दानी पनि बढाउने छ । पाम खेतीको उद्घाटन तिनसुकिया जिल्लामा भएको थियो।

यस प्रयासको महत्वलाई उजागर गर्दै मुख्यमन्त्री शर्माले करिब ३ लाख ७५ हजार हेक्टर जमिनलाई तेल पाम खेतीमा ल्याउने राज्यको प्रतिबद्धता व्यक्त गरे । यस पहलको सफलता सुनिश्चित गर्न असम सरकारले पतञ्जली फूड लिमिटेडसँग साझेदारी गरेको छ।

यस सहकार्यले डिब्रुगढ, तिनसुकिया, गोलाघाट, जोरहाट, नागाउँ, कामरूप, कामरूप (मेट्रो) र गोलपारा गरी सात जिल्लाहरूमा पामको खेती हुनेछ ।

यस उद्यमको प्रमुख साझेदार पतञ्जली फूड लिमिटेड (पीएफएल) ले आफ्नो बृहत् रणनीतिको रूपरेखा प्रस्तुत गरेको छ। संस्थापक रामदेवले किसानहरूलाई उच्च गुणस्तरको बीउ उपलब्ध गराउने गरी अर्को वर्षसम्म १६ वटा नर्सरीहरू स्थापना गर्ने योजना घोषणा गरे।

तीमध्ये चालू वर्षभित्र सात जिल्लामा १२ वटा नर्सरी स्थापना गर्ने लक्ष्य राखिएको छ भने आगामी वर्ष थप चार नर्सरी निर्माण गर्ने योजना छ । आफ्नो प्रतिबद्धतालाई थप प्रदर्शन गर्दै, पतञ्जलीले नगाउँ जिल्लामा अवस्थित धिङ्गमा तेल पाम प्रशोधन सुविधा स्थापना गर्ने योजना बनाएको छ।