चीनमा पानीको चरम अभावः जनसंख्याविश्वको २० प्रतिशत तर पानी ७ प्रतिशत मात्रै, दक्षिण एसियामा शान्तिको लागि खतराको घण्टी

बढ्दो जनसङ्ख्या र खेतीयोग्य जमिनको प्रयोगका कारण चीनमा पानीको सङ्कट अरब राष्ट्रको तुलनामा गम्भीर बनेको छ । चीनमा पानीको संकट गहिरिँदै गएको छ । उत्तर चीनको अवस्था अरब देशको भन्दा खराब बन्दै गएको छ। चीनको यो जलसंकट एसियाका अन्य देशका लागि पनि डरलाग्दो हुनसक्छ । चीनमा विश्वको जनसङ्ख्याको २० प्रतिशत छ, तर त्यहाँ पानी मात्र ७ प्रतिशत छ । चीनका हजारौं नदीहरू हराइसकेका छन्, जबकि औद्योगिकीकरण र प्रदूषणले बाँकी पानीलाई बेकार बनाएको छ।

एक शोधअनुसार चीनको ८० देखि ९० प्रतिशत भू-जल र आधा नदीको पानी पिउन योग्य छैन। आधाभन्दा बढी भूमिगत पानी र एक चौथाइ नदीको पानी यति प्रदूषित छ कि उद्योग वा कृषिमा पनि प्रयोग गर्न सकिँदैन। विज्ञहरूको अनुमान छ कि पानीको अभावका कारण चीनले वार्षिक १०० अर्ब डलर (रु. ७.४३ लाख करोड) भन्दा बढी घाटा गरिरहेको छ। जसका कारण कृषियोग्य जमिनको ठूलो हिस्सा मरुभूमिमा परिणत हुन थालेको छ ।

चिनियाँ सरकारले पानीको गुणस्तरमा सुधार गर्न खोजेको त छ तर सरकारी प्रयास यो संकट रोक्न पर्याप्त छैन। गत महिना नै चिनियाँ अधिकारीहरूले घोषणा गरे कि गुआन्झाउ र शेन्जेन अर्को वर्ष ठूलो खडेरीको सामना गर्नेछ। जबकि यी दुई क्षेत्रहरू पानीले धनी पर्ल नदी डेल्टाका प्रमुख शहरहरू हुन्। सन् २००५ मा चीनका तत्कालीन प्रधानमन्त्री वेन जियाबाओले भनेका थिए कि पानीको अभावले “चिनियाँ राष्ट्रको अस्तित्वलाई खतरामा पारेको छ।”