टर्कीले २०० भन्दा बढी अफगान आप्रवासीलाई जबरजस्ती देश निकाला गर्ने भएको छ

टर्कीका आधिकारिक सञ्चार माध्यमका अनुसार २१५ भन्दा बढि अफगानीहरु त्यहाँ आफ्नो फिर्ता कुरेर विमानस्थलमा पर्खिरहेका छन् । मिडियाहरुले एडिर्ने इमिग्रेशन अफिसलाई उद्धृत गरेर रिपोर्ट प्रसारण गरेका थिए ।टर्की माइग्रेसन म्यानेजमेन्ट डाइरेक्टोरेटका अनुसार २०२२ को सुरुदेखि टर्कीका अधिकारीहरूले करिब २८,००० गैर कानुनी र कागजातविहीन आप्रवासीहरूलाई टर्कीबाट निर्वासित गरेका छन्, जुन २०२१ को सोही अवधिको तुलनामा ७० प्रतिशतले बढेको छ।

जनवरी २७ मा अफगानिस्तानको उडान सुरु भएदेखि टर्कीले १८,२५६ भन्दा बढी अफगान नागरिकलाई अफगानिस्तान पठाएको टर्कीको गृह मन्त्रालयले जनाएको छ।
आप्रवासन व्यवस्थापन निर्देशनालयले एक विज्ञप्तिमा टर्कीले अवैध रूपमा देशमा प्रवेश गर्ने, भिसा र रेसिडेन्सी कानून तोड्ने, अनुमति बिना काम गर्ने, ठगीमा संलग्न र सार्वजनिक सुरक्षा र सुरक्षालाई खतरामा पारेका २८५८१ अनियमित आप्रवासीहरूलाई देश निकाला गरेको छ भनी बताएको हो । आप्रवासन कार्यालयका अनुसार १५ र २२ मे को बीचमा निर्धारित नौ चार्टर उडानहरूले १०५४ कागजातविहीन आप्रवासीहरूलाई अफगानिस्तान फर्काइएको थियो ।