वाशिंगटनः अमेरिकाले अरुणाचल प्रदेश भारतको अभिन्न अंगको रूपमा रहेको बताइएको छ ।
चीनले अरुणाचल प्रदेशका विभिन्न ११ स्थानको नाम परिवर्तन गरेपछि अमेरिकाको यो प्रतिक्रिया आएको छ । उसले कुनै पनि एकपक्षीय प्रयासको कडा विरोध गर्ने जनाएको छ ।
चीनले तिब्बतको दक्षिणी भागको रूपमा दाबी गर्ने अरुणाचल प्रदेशका थप ११ स्थानका लागि चिनियाँ नाम घोषणा गरेपछि यो प्रतिक्रिया आएको छ ।
चीनको नागरिक मामिला मन्त्रालयले आइतबार ११ स्थानको आधिकारिक नाम सार्वजनिक गरेको छ।
भारतले मङ्गलबार चीनले अरुणाचल प्रदेशका केही ठाउँहरूको नाम परिवर्तन गरेको ठाडै अस्वीकार गरेको छ । यो राज्य भारतको अभिन्न अंग हो भनेको छ ।