अफगानिस्तानमा विदेशी सेनाबाट हत्या गरिएका परिवारद्वारा क्षतिपूर्ति माग

काबुल— अफगानिस्तानको पाक्टिकामा विदेशी सेनाको आक्रमणबाट पीडितका आफन्तहरूले क्षतिपूर्ति र न्यायको माग गरिरहेको टोलो न्यूजले उल्लेख गरेको छ।

पक्तिकाको माता खान जिल्लाको एउटा गाउँमा १५ वर्षअघि विदेशी सेनाले हत्या गरेको थियो ।

इब्राहिम कारिज गाउँका बासिन्दाले उक्त हमलामा महिला र बालबालिकासहित ४० जना गाउँलेको ज्यान गएको बताए । आक्रमणमा परि आफ्नो बुबा र परिवारका अन्य १५ सदस्य गुमाउने हफिजुल्लाहले टोलो न्युजलाई विदेशी सेनाको आक्रमण गरेको गाउँका धेरै बालबालिका टुहुरा भएको बताए।

पीडितका आफन्तले आर्थिक अवस्था नाजुक रहेको भन्दै यसका लागि सम्बन्धित निकायलाई पहल गर्न आग्रह गरेका छन् ।‘हामी यी व्यक्तिहरूलाई अदालतमा ल्याउन अन्तर्राष्ट्रिय फौजदारी अदालतलाई आग्रह गर्छौं। आईसीसीले न्याय सुनिश्चित गर्नुपर्छ’,पीडितका आफन्त फजल रहमानले भने।’

तालिबानका प्रान्तीय गभर्नर, फैजुल्लाह जमालले भने कि पाक्टिकामा मात्र नभई देशका अन्य धेरै प्रान्तहरूमा विगत दुई दशकहरूमा युद्ध अपराधहरू भएका छन्।

‘हामी मानव अधिकार संगठनहरू र अन्तर्राष्ट्रिय समुदायलाई आफ्नो आवाज उठाउन र उनीहरूको अधिकार सुनिश्चित गर्न आह्वान गर्दछौं।’ उनले भनाईलाई उद्दृत गर्दै टोलो न्यूजले लेखेको छ ।