अफगानिस्तानको केन्द्रीय बैंकले छिट्टै पाकिस्तानी मुद्राको प्रयोगमा प्रतिबन्ध लगाउने चेतावनी

काबुल— अफगानिस्तानको केन्द्रीय बैंकले देशको दक्षिणपश्चिमी प्रान्तका बासिन्दाहरूलाई पाकिस्तानी मुद्रा (रुपैया) को प्रयोग गरेर आफ्नो व्यापारिक लेनदेन बन्द गर्न चेतावनी दिएको छ। यसका लागि बैंकले समयसीमा तोकेको छ ।

केन्द्रीय बैंकले गत हप्तादेखि दक्षिणपश्चिम क्षेत्रमा अफगानी मुद्राको प्रयोगलाई बढावा दिइरहेको छ। बासिन्दाहरूलाई अफगानी मुद्रा प्रयोग गरेर आफ्नो व्यापारिक लेनदेनहरू सञ्चालन गर्न साढे दुई महिनाको समय दिइएको छ, र विदेशी मुद्राहरूसँग कारोबार नगर्न सल्लाह दिइएको छ।

बैंकले कान्दाहार, उरुजगान, हेल्माण्ड, जाबुल र डिकुन्डी प्रान्तका बासिन्दाहरूलाई राष्ट्रिय मुद्रा प्रयोग गरेर व्यापार कारोबार गर्न स्पष्ट रूपमा चेतावनी दिएको छ। तोकिएको समयपछि अन्य मुद्राहरु संग सबै लेनदेन गैरकानूनी मानिनेछ, र उल्लङ्घन गर्नेहरु विरुद्ध कानुनी कारबाही गर्ने बताइएको छ ।