अफगानिस्तानका २४ प्रान्तमा पोलियोविरुद्ध खोप अभियान सुरु

काबुल— अफगानिस्तानका २४ प्रान्तहरूमा पोलियो विरुद्धको खोप अभियान सुरु गरिएको छ ।

तालिवानको जनस्वास्थ्य मन्त्रालयको एक प्रेस विज्ञप्तिलाई उद्धृत गर्दै, खामा प्रेसले खोप कार्यक्रमको एक हिस्साको रूपमा देशका पाँच वर्ष मुनिका ११ लाखभन्दा बढी बालबालिकालाई खोप लगाइने बताएको छ।

अफगानिस्तानमा यस वर्षको सुरुमा नै पाँच पोलियोका संक्रमित फेला परेका थिए ।

संयुक्त राष्ट्र संघसँग सम्बद्ध स्वास्थ्य एजेन्सीहरूले यस रोगसँग लड्न प्रयासहरूलाई समर्थन गरिरहेका छन्। यसबाहेक, खामा प्रेसका अनुसार, २०२२ मा अफगानिस्तानको पक्तिया र कान्दाहार प्रान्तमा पोलियोका दुईवटाघटनाहरू दर्ता भएका थिए।

पोलियोबाट शिशुहरूलाई बचाउने एक मात्र तरिका खोप हो।