पाकिस्तानः सरकारी कर्मचारीद्वारा लाहोरमा पेन्सन नियमनको विरोधमा धर्ना सुरु

लाहोरः पाकिस्तानको सरकारी कर्मचारीद्वारा सार्वजनिक विद्यालयको प्रस्तावित बिक्री, निवृत्तिभरण नियमनमा परिवर्तन, र नगद छुटमा रोक लगाएको विरोधमा लाहोरको सिभिल सेक्रेटेरिअट बाहिर धर्ना सुरु गरेको पाकिस्तानको स्थानीय पत्रिका डनले समाचारमा उल्लेख गरेको छ।

अल पाकिस्तान क्लर्क्स एसोसिएसन का सदस्यहरूसँगै, स्वास्थ्य, शिक्षा, र उच्च शिक्षालगायत पंजाब सरकारका अन्य मन्त्रालयका कर्मचारीहरूको ३२ संगठनहरू धर्नामा सहभागी थिए।

दिनभर प्रदर्शनकारीहरूले कार्यवाहक प्रशासन र मुख्यमन्त्री मोहसिन नक्वीको अपमान गरेका थिए।

पञ्जाब शिक्षक युनियनका अध्यक्ष चौधरी सरफराजले युनियनले सरकारको श्रम विरोधी र मजदुर विरोधी नीतिहरू चल्न नदिने दाबी गरे।

आन्दोलनकारीसँग वार्ता गर्न प्रशासनबाट कोही नआएको र कानुनी माग पूरा नभएसम्म धर्ना अन्त्य नगर्ने उनले बताए । सरकारले भर्खरै सार्वजनिक विद्यालयको नियन्त्रण गैरसरकारी संस्थालाई हस्तान्तरण गर्ने, कर्मचारीलाई बिदाका दिनमा काम गर्ने कर्मचारी नगद नदिने र पेन्सन नियमनमा संशोधन गर्ने बताएको छ ।

प्रदर्शनमा प्रदेशभरका कर्मचारी संघ र तिनका पदाधिकारीहरुको सहभागिता रहेको थियो ।